logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Saglyk /Ysmanak
  30.07.2022
1625
Ysmanak

     Ysmanak ýurdumyzda dermanlyk ösümlikleriň arasynda iň köp duş gelýänleriniň biridir. Bu ýaprak görnüşli ter gök oty 10 sany iň peýdaly azyk önümleriniň hataryna girýär. Bakja ekinlerine degişli bolan ysmanagyň bir ýyllyk we iki ýyllyk görnüşleri bar bolup, onuň boýy 25-30 sm aralygynda bolup, bu ot dünýäniň ahli halklarynyň aşhanasynda giňden peýdalanylýar. Ýurdumyzyň tebigy şertlerinde ýetişdirilýän ysmanak, tohumy arkaly hem köpeldilýär. Dürli minerallara baý bolansoň, irki döwürlerden bäri iýmit hem-de halk lukmançylygynda giňden peýdalanylýar. Ýabany ysmanak ýaz paslynda dag eteklerinde tebigy ýagdaýda gögerýär. Ysmanagyň düzüminde A, C, D, K ýaly witaminleriň 20-niň, turşuja, limon, alma turşulyklarynyň bardygy anyklanyldy. Onuň düzüminde beloklar, ýaglar, uglewodlar, demir, mis, sink, ýod, kaliý, kalsiý, fosfor ýaly mikrolementleriň, mineral duzlaryň köp mukdary saklanylýar. 
      Ysmanak irki wagtlardan bäri azyk we dermanlyk maksatlary üçin ulanylyp gelinýän ösümlikleriň biridir. Ysmanagyň dermanlyk häsiýetleri Abu Aly Ibn Sinanyň “Lukmançylyk ylmynyň kanunlary” atly eserinde giňden beýan edilýär. Ol bu ösümligiň şiresini içgeçmäniň garşysyna ulanypdyr. Derman hökmünde ganazlygyň we witamin ýetmezçiliginiň garşysyna peýdalanylýar. Ysmanak ýaz paslynyň tebigy nygmatlarynyň biridir. Türkmen topragy şeýle nygmatlara diýseň baýdyr.