Ahal welaýaty
logo

Soňky täzelikler:
✦ TOHI-de "Açyk gapylar" günleri geçiriler ✦ ✦ TOHU-da "Açyk gapylar" günleri geçirilýär ✦ ✦ Mekdep okuwçylaryň arasynda matematika dersi boýunça halkara olimpiadasyna badalga berildi ✦ ✦ Mihail Gusman: Türkmenistan maglumat giňişliginde we dünýäde barha görnükli orun eýeleýär ✦ ✦ Daşoguz welaýatynda pagta ekişine badalga berildi ✦ ✦ Gadymy Gresiýa barada ✦ ✦ Bejeriş ähmiýetli çeşme ✦ ✦ «EKSPO 2025» gurnaljak Türkmenistan Milli pawilýony tanyşdyryldy ✦ ✦ Ýurdumyzda sportuň täze fijital görnüşi boýunça ýaryşlar geçiriler ✦ ✦ Koreý kompaniýasy “Galkynyş” gaz käniniň 4-nji tapgyryna gatnaşar ✦
Baş sahypa / Dünýäde /Ýaponiýa 2024-nji ýylda kosmosa agaçdan ýasalan emeli hemrany uçurar!
  06.06.2023
541
Ýaponiýa 2024-nji ýylda kosmosa agaçdan ýasalan emeli hemrany uçurar!

Ýaponiýa 2024-nji ýylda kosmosa agaçdan ýasalan emeli hemrany uçurar. Agajyň kosmosdaky ýokary berkligi ýakynda Kýoto uniwersitetiniň alymlarynyň ýolbaşçylygyndaky halkara topar tarapyndan Halkara kosmos stansiýasynda synag edildi we tassyklandy.

Halkara kosmos stansiýasynda agaçlaryň çydamlylyk derejesini barlamak üçin dürli agaç nusgalarynda synag edildi. Netijede agaçlaryň käbir nusgalary minimal derejede ýaramazlaşdy we oňat durnuklylygy üpjün etdi. Ýere getirilen agaç nusgalarynyň güýç synaglary we kristal gurluş derňewleri ýaly deslapky synaglar hem geçirildi.

Kýoto uniwersiteti tarapyndan berlen beýanata görä, kosmosda howanyň temperaturasynyň üýtgemegi we güýçli kosmiki şöhlelere we howply gün bölejiklerine täsir etmek ýaly aşa ýaramsyz şertlere garamazdan, agaç nusgalarynda hiç hili üýtgeşiklik tapylmady.

Halkara gözleg topary, ýapon dilinde «Hoonoki» diýlip atlandyrylýan Magnolia agajynyň 2024-nji ýylda NASA we Ýaponiýanyň kosmos gullugy «JAXA» tarapyndan bilelikde uçurylmagyna garaşylýan «LignoSat» emeli hemrasynda ulanyljakdygyny kesgitledi.

Alymlar Magnolianyň has ýokary işleýiş ukybynyň, ölçegli durnuklylygynyň we umumy güýjüniň bardygyny şonuň üçin hem kosmosda ulanmagyň has oňaýly boljakdygyny aýdýarlar. 

 

Arslan BAKYÝEW,

Türkmen döwlet binagärlik-gurluşyk
institutynyň talyby.