logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Syýasat /Türkmen-rus gatnaşyklary: netijeli hyzmatdaşlyga sary
  24.11.2023
1086
Türkmen-rus gatnaşyklary: netijeli hyzmatdaşlyga sary

Türkmenistan bilen Russiýa Federasiýasynyň arasyndaky diplomatik gatnaşyklar 1992-nji ýylyň 8-nji aprelinde ýola goýuldy. Häzirki wagtda türkmen--rus strategik hyzmatdaşlygy halk hojalygynyň ähli ugurlary boýunça netijeli hyzmatdaşlyga esaslanýar. Ýekeje mysal. Diňe, 2022-nji ýylda Türkmenistan bilen Russiýanyň arasyndaky söwda dolanyşygy 1,6 milliard dollara ýetdi. Şeýlelikde, Russiýa Türkmenistanyň iň möhüm söwda hyzmatdaşlaryndan biridir. Bu görkeziji bilen diňe ykdysady taýdan hyzmatdaşy bolma eýsem, bilim ulgamynda-da ýokary derejeli hyzmatdaşy bolmagynda galýar.Häzirki wagtda Türkmenistanda rus dilinde okadylýan 71 mekdebiň bardygy hemmuňa aýdyň mysal bolup biler.

 

 

Häzirki zaman maglumat-kommunikasiýa tehnologiýalarynyň bikanun we zyýan ýetirýän maksatlarda, şol sanda döwletleriň içerki işlerine gatyşmak hem-de özygtyýarlylygyny bozmak üçin ulanylmagyndan ynjalyksyzlanýandyklaryny beýan edýärler, halkara maglumat howpsuzlygyny üpjün etmek babatda hyzmatdaşlyk etmek hakynda Türkmenistanyň Hökümeti bilen Russiýa Federasiýasynyň Hökümetiniň arasyndaky 2019-njy ýylyň 5-nji aprelindäki Ylalaşygyň esasynda we 2022 — 2025-nji ýyllarda halkara maglumat howpsuzlygyny üpjün etmek babatda türkmen-rus hyzmatdaşlygynyň esasy ugurlaryny durmuşa geçirmegiň Meýilnamasyny ýerine ýetirmek arkaly halkara maglumat howpsuzlygy babatda ikitaraplaýyn hyzmatdaşlygy mundan beýläk-de berkitmegiň ähmiýetini doly derejede kanagatlandyrýarlar.

 

 

Türkmenistan bilen Russiýa Federasiýasynyň arasyndaky köpugurly gatnaşyklar has-da ösdürilýär. Muňa mysal edip, 2023-nji ýylyň 19-20-nji ýanwarynda Aşgabatda türkmen-rus işewürlik forumy geçirildi. Şol döwürde işewür geňeşleriň bilelikdäki ýygnagyny geçirmek hem meýilleşdirildi. Şonuň ýaly-da, çäräniň çäginde russiýaly öndürijileri üçin «Russiýanyň söwda öýi» söwda we sergi meýdançasynyň açylyş dabarasynyň geçirilmegi meýilleşdirildi. Bu forum Türkmenistan bilen Russiýa Federasiýasynyň arasyndaky söwda, ykdysady we senagat pudagyndaky hyzmatdaşlygy has-da çuňlaşdyrmaga gönükdirildi.

 

 

Diýmek, taraplar oz aralarynda işjeň ýagdaýda hyzmatdaşlyklaryny alyp barýandygynyň aýdyň subutnamasydyr. Özara hyzmatdaşlygy ösdürmegiň giň mümkinçilikleri Türkmenistanda milli ykdysadyýetiniň köpugurly esasda ösdürilmegine, täze, ýokary girdejili, eksport ugruny nazarlaýan önümleri öndürýän pudaklaryň döredilmegine gönükdirilen giň möçberli özgertmeleri amala aşyrmakda möhüm ähmiýete eýedir. Taraplaryň birek-birege ynanyşmagy, özara düşünişmegi duşuşyklaryň ýokary derejesine şaýatlyk edýär. Munuň özi deňhukukly, birek-birege ynanyşmak esasynda, geçen ýyllaryň tejribesini we döwlet ösüşiniň möhüm wezipelerini nazara almak arkaly ýola goýulýan hyzmatdaşlygyň täze görnüşlerini kesgitlemek üçin möhüm binýady kemala getirmäge bolan umumy we ylalaşykly çemeleşmeleri taýýarlamagy şertlendirýär.

 

 

Selbi Ylýasowa,
Türkmenistanyň Daşary işler ministrliginiň
Halkara gatnaşyklary institutynyň talyby.