Alymlar diňe tehnologiýa pudagynda uly öňegidişlik gazanman eýsem-de dürli ugurlarda täze açyşlary edýärler. Alymlar bu gezek, gündelik durmuşda giňden ulanylýan zeýtun miwesiniň çigidinden kofe öndürmegi başardylar. Ýakynda, öýlerde adaty kofe meňzeş zeýtun çigidinden öndürilen kofeler peýda bolar.

Zeýtun çigidinden dekafinirlenen kofe öndürmegi başaran alymlar, adaty kofe üçin möhüm alternatiwi oýlap tapdylar.  Önümçilik taýdan has arzan we dargadylan görnüşde alynýan täze kofe, öň iýmitlik we ýag üçin ulanylýan zeýtun çigidinden alynýar. Bu bolsa zeýtunyň iýmitlik ýa-da ýag çeşmesi däldigini ýene bir gezek görkezdi.

Gaziantep uniwersitetiniň biologiýa bölüminiň hünärmenleri ösümlikden kofe öndürmek şeýle-de zeýtuny gaýtadan işlemek baradaky işleriň gutarandygyny mälim etdiler. Hünärmenler "- Soňky ýyllarda zeýtun ýagyndan başga-da ýapraklarynyň we gülleriniň köp sanly bejeriş taraplary ýüze çykdy. Zeýtun hakykatdanam fitohimiki serişdeleri öz içine alýan örän möhüm önüm. Bu gezekki geçiren gözleglerimiz zeýtun çigidinden kofe öndürip bolýandygyny görkezdi." - diýip belläp geçdi.

Täze öndürilen kofeniň adaty kofeden hiç hili tapawudy bolmaz diýlip çaklanylýar. Şeýle hem bu kofe 70 göterim zeýtun çigidinden ybarat bolup, hiç hili ajy tagamy bolmaz.

Suraýýa REJEPOWA,

Döwletmämmet Azady adyndaky 
Türkmen milli dünýä dilleri 
institutynyň talyby.