logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Jemgyýet /Täsin künjege syýahat
  12.07.2019
1734
Täsin künjege syýahat

    Welaýatyň çägindäki orta mekdeplerde okuwçy ýaşlaryň tomusky dynç alyş möwsümi üçin döredilen sagaldyş meýdança çagalaryň onlarçasy gatnap, wagtyny şadyýanlykda geçirýär. Welaýatyň jemgyýetçilik guramalarynyň wekilleri ol ýerde bolup, ýaş nesliň arasynda dürli mazmunly çäreleri guraýar. Tebigatyň gözel we täsin künjeklerine guralýan syýahatlar  olarda ýatdan çykmajak täsirleri döredýär. 

     Ýakynda welaýatyň çägindäki “Köwata” ýerasty kölüne guralan syýahat şeýle çäreleriň biri boldy. TMÝG-niň Ahal welaýat Geňeşiniň wekilleri çagalara Köpetdagyň jana şypa beriji gözel ýerinde ýerleşýän ýerasty köl hakynda täsirli gürrüň berdiler. Ol ýokary Ýura döwründe ýer gabygynyň gatlamasy esasynda Köw dag gerşinde emele gelen gowakdyr. Kölüň suwunyň ýylylygy ýylyň bütin dowamynda 33-den 38 derejä deňdir. Häzirki döwürde onuň aşaky gatlagy özi çykýan tebigy suwdan doludyr. Ýerasty kölüň suwunda kesel bejeriş häsiýetli kükürt, ýod, magniý, kaliý, natriý, sulfat, alýuminiý, brom, demir ýaly elementler bar.

    Täsin ýerasty köl hakyndaky gürrüňler çagalarda uly täsir döretdi. Olar çäksiz bilesigelijilik bilen ýerasty köle aýlandylar, ony synladylar.