logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Tehnologiýa /Senagatda we energetikada sebitara hyzmatdaşlygyň esasynda innowasion tehnologiýalaryň orny
  03.04.2025
1727
Senagatda we energetikada sebitara hyzmatdaşlygyň esasynda innowasion tehnologiýalaryň orny

Häzirki wagtda dünýäde ykdysady ösüşiň esasy sütünleriniň biri bolan senagat we energetika ulgamlary innowasion tehnologiýalaryň kömegi bilen täze ösüş basgançaklaryna çykýar. Täze tehnologiýalaryň önümçilige ornaşdyrylmagy öndürijiligi ýokarlandyrmaga, energiýa sarp edilişini azaltmaga we daşky gurşawy goramaga mümkinçilik döredýär.

 

Senagatda innowasiýalar esasan sanly tehnologiýalar, awtomatlaşdyrma we robotlaşdyrma arkaly ýüze çykýar. Uly zawodlar we kärhanalar häzirki wagtda akylly dolandyryş ulgamlaryny ulanýarlar. Bu bolsa işleriň tizligini, takyklygyny artdyrýar we çykdajylary peseldýär. Şeýle hem 3D printerler, emeli intellekt we önümçiligiň sanly modellendirilmegi senagatda täzelikleri girizmegiň esasy ugurlarydyr.

 

Dünýä ýurtlary ýaly, Türkmenistan hem energiýanyň ekologik taýdan arassa çeşmelerine üns berýär. Şeýlelikde, howa hapalanmasynyň öňüni almak, energiýa howpsuzlygyny üpjün etmek ýaly meselelerde innowasiýalaryň roly artýar.

 

Hormatly Prezidentimiziň baştutanlygynda energetika ulgamynyň döwrebaplaşdyrylmagyna, täze innowasion desgalaryň gurulmagyna aýratyn ähmiýet berilýär. Elektrik energiýasynyň önümçiligi we eksportuny artdyrmak bilen bir hatarda, energiýanyň tygşytly we netijeli ulanylmagy ugrunda işler alnyp barylýar.

 

Şeýle hem senagat we energetika ulgamyndaky innowasiýalaryň ösüşi ýaş inženerleriň, hünärmenleriň we alymlaryň gatnaşmagynda üstünlikli durmuşa geçirilýär. Bu bolsa ýurdumyzyň ylmy-tehniki mümkinçilikleriniň artýandygynyň subutnamasydyr.

 

Şatlyk ANNABERDIÝEW,

Türkmenistanyň Döwlet energetika
institutynyň mugallymy.