Gadymy döwürlerde, guýylar Sarahsyň geçmişinde möhüm rol oýnapdyrlar. Bu guýular bilen ilaty we mallalary suwarmaklyga, şeýle-de ekerançylytk ýerlerini suwarmaklyga hem mejbur bolupdyrlar. Orta asyr awtorlary al-Ýakubi (891ý.), Al-Istarhi (940 ý.), Al-Makdiai (984 ý.) Sarahsda akar suwuň ýetmezçiligi agyz suwunyň hatda ekin suwuny guýylardan alýandygyny ýazypdyrlar.

          Sarahs oazisiniň gülläp ösen döwri ХI-ХII asyr degişli bolup, şol zamanda Sarahs şäheriniň tutýan meýdany has giňelipdir we gülläp ösüpdir. Oazisiň territoriýasynda ýerleşýän guýylaryň sany artypdyr. Şol zamanda Sarahsda özboluşly ussat ymaratçylar ”mekdebiniň” bolşy ýaly, şol wagtlar ökde guýyçylaryň ”mekdebiniň” bolandygyny hem inkär edip bolmazdygyny bellemek bolar. Şol döwre degişli guýylaryň biri hem Köne Sarahs şäher harabalygynyň şähristanyň gündogar-günorta tarapynda, Kiçiaga obasynyň ýabynyň günbatar kenarynda ýerleşýär. Guýyda deslapky barlag işi 1992-nji ýylda ”Köne Sarahs” döwlet goraghanasy tarapyndan barlag işleri geçirildi we häzirki wagtda gorag astynda saklanýar.