Neşir edilen täze gözlegde uzak aralyklara syýahat etmek bilen tanalýan deňiz pyşbagalarynyň nädip ýol tapýandyklary barada maglumatlar tapyldy.  Alymlar bu haýwanlaryň Ýeriň magnit meýdanyndan peýdalanýandyklaryny mälim etdiler.

Okeanlarda ýaşaýan jandarlar hakda yzygiderli täze gözlegler geçirilse-de, käbir jandarlar baradaky maglumatlar syr bolup galýar.  Deňiz pyşbagalarynyň we beýleki suw mör-möjekleriniň açyk ummanda nädip hereket edýändigi alymlar tarapyndan köpden bäri öwrenilip gelinýär.

“Royal Society Interface” žurnalynda çap edilen täze gözleg bu mesele boýunça täze we yşyklandyryjy maglumatlary ýüze çykardy.  Gözlegleri geçirýän alymlar uzak aralyga göçmegi bilen tanalýan pyşbagalaryň suwda nädip ýol tapýandyklarynyň syryny çözmek üçin täze açyşlara ýetendiklerini habar berdiler.

Gözlegçiler 22 sany suw pyşbagasyna GPS enjamyny ýerleşdirdiler. Hünärmenler, pyşbagalaryň ot-iým üçin şeýle-de jübütleşmek üçin birnäçe ýollary geçýändigine gözegçilik etdiler. Netijede, pyşbagalaryň öz ugruny tapmak üçin Ýeriň magnit meýdanyndan peýdalanýandyklarynyň üsti açyldy. Mundan başga-da, magnit meýdanynyň beýleki janly-jandarlar tarapyndan hem ulanylýandygyny bellemelidiris.

Mährijemal KURBANOWA,

Döwletmämmet Azady adyndaky 
Türkmen milli dünýä dilleri 
institutynyň talyby.