Inženerler meşhur Pisa diňiniň ahyrsoňy ýykylmagyny bes edendigini we hatda gönelip, ýapgyt burçuny 4 santimetre çenli azaldandygyny habar berdiler. Piza diňi dünýäniň iň ajaýyp binalarynyň biridir. Onuň gurluşygy 1173-nji ýylda başlanda, hiç kim günorta tarapdaky binanyň aşagyndaky çäge we toýun topraklarynyň has ýumşakdygyna üns bermedi. Netijede bina 3-nji gatyň gurluşygynyň dowamynda bir tarapy eglip başlady, emma taslamany bes etmezden 5-ji gatyň gurluşygyny tamamladylar. Ýagdaýy düzetmek üçin edilen soňky synanyşyklar ähli zady has hem kynlaşdyrdy. Üýgeşik eňňit Pisa diňiniň özboluşly aýratynlygyna öwrüldi, emma hünärmenler onuň ýakyn wagtda ýykylmagyndan gorkýardylar. 1990-nji ýylda Pisa diňi jahankeşdeler üçin ýapylyp, ýokary derejede düzediş işleri başlandy. Inženerleriň agyr işi 10 ýyla çekdi we takmynan, 30 million ýewro talap etdi. Binada düzediş işleri 2001-nji ýylda tamamlandy. Indi hünärmenler binanyň düzelmegini dowam etdirilýändigini habar berdiler. Täze maglumatlar diňiň eňňidiniň 4 santimetr azalandygyny görkezýär. Binanyň ýagdaýyna gözegçilik etmek üçin jogapkär gözegçilik etmek üçin jogapkär gözegçilik topary bu ýeriň durnukly ýagdaýyna gaýdyp gelendigini we dikeldiş işleriniň, umuman, binanyň iki asyr ýaşardandygyny aýtdylar. Düzediş işleri geçirilmedik ýagdaýynda Pisa diňi, takmynan, 2030-2040-njy ýyllar aralygynda ýykylyp bilerdi.

 
Döwlet HALLYÝEW, 
Türkmen oba hojalyk institutynyň talyby.