logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ykdysadyýet /Мilli Liderimiziň daşary syýasy başlangyçlarynyň ugry bilen
  09.12.2019
985
Мilli Liderimiziň daşary syýasy başlangyçlarynyň ugry bilen

    Mälim bolşy ýaly, 18-nji noýabrda paýtagtymyzda Türkmenistanyň 2019- njy ýylda BMG-nyň Merkezi Aziýanyň ykdysadyýetleri üçin Ýörite maksatnamasyna (SPEKA) başlyklyk etmegiň çäklerinde paýtagtymyzyň "SPEKA günlerine" badalga berildi. Onuň çäklerinde paýtagtymyzyň "Ýyldyz" myhmanhanasynda "SPEKA" sebitinde söwda işiniň ýönekeýleşdirilmegi hakynda Bütindünýä söwda guramasynyň ylalaşygyny durmuşa geçirmek: Merkezi Aziýa köptaraply söwda ulgamynda atly mowzukda söwda syýasaty boýunça "tegelek stoluň" başynda duşuşyk hem-de durnukly ulag, üstaşyr we arabaglamyşyk boýunça SPEKA-nyň iş toparynyň 24-nji mejlisi geçirildi. "SPEKA günleriniň" çäreleriniň çäklerinde SPEKA-nyň Söwda boýunça iş toparynyň 14-nji sessiýasynda BMG-nyň Merkezi Aziýanyň ykdysadyýetleri üçin Ýörite maksatnamasynyň häzirki başlygy Türkmenistanyň Hökümeti tarapyndan Ýewropa Ykdysady Komissiýasy (ÝYK) hem-de BMG-nyň Aziýa- Ýuwaş umman sebitiniň ýurtlary üçin Ykdysady we durmuş komissiýasy (ESKATO) bilen bilelikde guraldy. Дuşuşyklaryň gün tertibine girizilen meseleler "SPEKA günleriniň" umumy konsepsiýasyna doly laýyk gelmek bilen, söwdada we ykdysadyýetde SPEKA döwletleriniň ileri tutýan ugurlaryny açyp görkezdi. SPEKA- nyň Ykdysady forumynyň hem-de SPEKA-nyň Ýolbaşçy geňeşiniň sessiýasynyň öňüsyrasynda geçirilen duşuşygyň esasy maksady söwda çärelerini ýeňilleşdirmek we söwda bilen baglanyşykly Durnukly ösüş maksatlaryna (DÖM) ýetmek boýunça çäreleri ornaşdyrmak üçin maksatnama gatnaşýan ýurtlaryň arasynda tejribe alyşmakda we özara ýardam bermekden, şeýle hem şu mesele we hususyýetçiligiň wekilleriniň ulgamynyň döredilmegini höweslendirmek boýunça sebit strategiýasyna syn bermekden ybaratdyr.

    Ýurdumyz Hormatly Prezidentimiz Gurbanguly Berdimuhamedowyň başlangyjy bilen parahatçylyk söýüjilikli daşary syýasy strategiýasyny işjeň durmuşa geçirmek bilen, gyzyklanma bildirýän döwletleriň ählisi hem-de esasy halkara düzümler, ilkinji nobatda bolsa, BMG bilen özara bähbitli hyzmatdaşlygy ösdürmäge uly ähmiýet berilýär.

    Biziň Bitarap döwletimiziň häzirki döwrüň wajyp meseleleri boýunça sazlaşykly çözgütleri işläp taýýarlamakda işjeň orny eýeläp, parahatçylygy, howpsuzlygy we durnuklylygy pugtalandyrmak, sebit hem-de dünýä möçberinde Durnukly ösüş maksatlaryna ýetmek boýunça umumy tagallalara saldamly goşant goşýar. Türkmenistan dünýäniň syýasy, ykdysady we hukuk giňişligine goşulyşmak bilen, tutuş adamzadyň abadançylygynyň bähbidine özüniň baý döredijilik kuwwatyndan netijeli peýdalanmaga çalyşýar.

     Birleşen Milletler Guramasy we onuň ýöriteleşdirilen edaralary hem-de beýleki abraýly halkara we sebit düzümleri bilen netijeli gatnaşyklaryň ýola goýulmagy munuň aýdyň subutnamasydyr. Şunuň bilen birlikde, Türkmenistan ählumumy strategiýalary, konsepsiýalary, maksatanamlary hem-de taslamalary üstünlikli durmuşa geçirmek maksady bilen esasy guramalara, ilkinji nobatda bolsa, BMG-a agzalygyndan has netijeli peýdalanýar. Şunuň bilen baglylykda, türkmen döwletiniň  BMG-niň  Merkezi Aziýanyň ýurtlarynyň ykdysadyýetleri üçin ýörite maksatnamasynda işjeň ornuna uly ähmiýet berilýär. Ýygnananlar Türkmenistanyň Hökümetiniň Bütindünýä söwda guramasyna girmek meselelerindäki tagallalaryna-da oňyn baha berdiler. Munuň özi uzak möhletli milli bähbitlere hem-de ykdysadyýetiň globallaşmagy babatda dünýä ýörelgelerine laýyk gelýär. Şu çärä Hormatly Prezidentimiz Gurbanguly Berdimuhamedowyň baştutanlygynda Türkmenistanyň sebit derejesinde durnukly ösüşe we ykdysady howpsuzlygy üpjün etmek meselelerine uly üns bermek bilen, halkara hyzmatdaşlygyň söwda we ulag ýaly ugurlaryna işjeň gatnaşýandygynyň nobatdaky subutnamasyna öwrüldi.