Ahal welaýaty
logo

Soňky täzelikler:
✦ UNIDO-nyň Global senagat sammiti öz işine başlady ✦ ✦ Kabulda Türkmenistanyň hemişelik Bitaraplygynyň 30 ýyllygy dabaraly bellenildi ✦ ✦ Türkmenistanyň Prezidenti Gazagystan Respublikasyna döwlet sapary bilen bardy ✦ ✦ Türkmen-tatar hyzmatdaşlygynyň täze ugurlary ara alnyp maslahatlaşyldy ✦ ✦ Türkmen wekiliýeti Saud Arabystan Patyşalygynda okuw saparynda boldular ✦ ✦ Bitaraplyk – daşary syýasaty alyp barmagyň esasy guraly ✦ ✦ «Balkan» köpugurly söwda merkezinde Eýran Yslam Respublikasynyň sergisi geçirildi ✦ ✦ Türkmenistan bilen Özbegistanyň arasyndaky hyzmatdaşlygyň täze tapgyry ýola goýulýar ✦ ✦ Sanly ykdysadyýet innowasiýalary durmuşa geçirmegiň esasy ugry ✦ ✦ Türkmenistan Bitaraplyk ýörelgelerine eýermek arkaly halkara hyzmatdaşlygyny güýçlendirýär ✦
Baş sahypa / Gyzykly /“Lexus” - “2023 UX” modeli bilen tanyşdyrdy
  15.05.2022
826
“Lexus” - “2023 UX” modeli bilen tanyşdyrdy

“Lexus” täsirli we özüne çekiji aýratynlyklar bilen enjamlaşdyrylan “2023 UX” modeli bilen ýakynda awtoulag söýüjilerini tanyşdyrdy. Bu modelinde “Lexus” daşky dizaýnda uly täzelikleri hödürlemese-de, içerki gurluşda uly üýtgeşmeleri amala aşyrdy. Mundan başga-da, “Lexus 2023 UX”-yň tehnologiki aýratynlyklary haýran galdyrýar.

“Toyota”-nyň kaşaň awtoulag markasy bolan “Lexus”, sarp edijileri üçin her ýyl täze sport we ýönekeý gurluşly awtoulaglary hödürleýär. Täze modeliň 2023-nji ýylda satuwa çykmagyna garaşylýar. Awtoulag barada biraz aýdyp geçsek, ulahyň 12.3 dýuýmlyk duýgur ekranly täze maglumat ekrany bilen üpjün edilen. Bu multimediýa ekrany köplenç kaşaň modellerde ulanylýar.

Täze multimediýa ekranyna geçmek ulagyň içki dizaýnynda käbir üýtgeşmelere sebäp boldy. “Lexus UX”-da indi ýene 2 USB Type-A porty bar. Mundan başga-da, ulagda simsiz zarýad beriş enjamlary bar. Ulaga goşmaça LED daşky gurşaw yşyklandyryşy goşuldy.

“Lexus” bu ulagda täze tekerler ulanar. Kompaniýanyň pikiriçe, bu tekerler kabinany has rahat we oňaýly saklar. “Lexus UX” -yň täsir galdyryjy aýratynlyklaryndan biri sanly açar goldawydyr.  Bu tehnologiýanyň kömegi bilen sarp edijiler awtoulaglarynyň açarlaryny özleri bilen götermeli bolmazlar.  Sebäbi smartfonlarda guruljak programmalar açar hökmünde hereket eder.

Allamyrat ŞIRIÝEW,

Döwletmämmet Azady adyndaky 
Türkmen milli dünýä dilleri 
institutynyň talyby.