Kanadaly alymlar howanyň üýtgemegine garşy göreşde goşant goşup biljek täze tehnologiýany işläp düzmegi başardylar. Täze tehnologiýanyň kömürturşy gazyny arzan bahadan gymmatly himiki maddalara öwrüp biljekdigi mälim edildi. 

Täsirini tiz görkezýän howanyň üýtgemegi, planetanyň we ondaky ähli janly-jandarlaryň geljegine uly howp salýar. Şeýle bolansoň, alymlar bu elhenç ýagdaýyň öňüni almagyň ýollaryny gözleýärler. Şunuň bilen baglylykda, Kanada-da ýerleşýän Waterlo uniwersitetiniň alymlary howanyň üýtgemegine garşy göreşde goşant goşup biljek täze tehnologiýany işläp düzmegi başarandyklaryny mälim etdiler. Alymlaryň täze gözlegi «Nature Energy» žurnalynda neşir edildi.

Gözlegiň netijesine görä, zyýanly kömürturşy gazyny (CO2) arzan bahadan ýangyja we gymmatly himiki maddalara öwrüp biljek täze tehnologiýanyň senagatyň dürli pudaklarynda ulanylyp oňyn netijeler gazanyp boljakdygy aýdylýar.

Aýgül AKGAÝEWA,

Döwletmämmet Azady adyndaky
Türkmen milli dünýä dilleri
institutynyň talyby.