Ahal welaýaty
logo

Soňky täzelikler:
✦ UNIDO-nyň Global senagat sammiti öz işine başlady ✦ ✦ Kabulda Türkmenistanyň hemişelik Bitaraplygynyň 30 ýyllygy dabaraly bellenildi ✦ ✦ Türkmenistanyň Prezidenti Gazagystan Respublikasyna döwlet sapary bilen bardy ✦ ✦ Türkmen-tatar hyzmatdaşlygynyň täze ugurlary ara alnyp maslahatlaşyldy ✦ ✦ Türkmen wekiliýeti Saud Arabystan Patyşalygynda okuw saparynda boldular ✦ ✦ Bitaraplyk – daşary syýasaty alyp barmagyň esasy guraly ✦ ✦ «Balkan» köpugurly söwda merkezinde Eýran Yslam Respublikasynyň sergisi geçirildi ✦ ✦ Türkmenistan bilen Özbegistanyň arasyndaky hyzmatdaşlygyň täze tapgyry ýola goýulýar ✦ ✦ Sanly ykdysadyýet innowasiýalary durmuşa geçirmegiň esasy ugry ✦ ✦ Türkmenistan Bitaraplyk ýörelgelerine eýermek arkaly halkara hyzmatdaşlygyny güýçlendirýär ✦
Baş sahypa / Ykdysadyýet /Galla ekinlerine ideg edilýär
  26.04.2020
682
Galla ekinlerine ideg edilýär

    Tejen etrabynyň galla ekilen meýdanlary 42900 gektar tutýar. Ekerançylyk meýdanlarynyň 7050 gekdary tohumlyk bugdaýyna hem-de 35850 gekdar azyklyk bugdaýyna niýetlenendir. Olaryň idegini etmek-de gallaçy daýhanlar yhlaslaryny gaýgyrmaýarlar. Şonuň üçin hem şu günler-de sünbüle duran ekerançylyk meýdanlary diýseň owadan görünýär. Olar şemal ugruna yrgyldaşyp daýhanyň ruhuny göterýär. Ekine eden yhlasynyň ýerine düşendigini gören daýhan bilini has hem mäkäm guşaýar. Galla ekinlerine sümbül suwuny tutmak işlerini ekerançylygyň talaplaryna laýyklykda alyp barýarlar. Munuň özi bolsa daýhanyň galla ekinlerinden garaşan netijeleriniň hasyl boljakdygyny görkezýär.

      Geçen oba hojalyk ýylyny guwandyryjy görkezijiler bilen jemlän tejenli babadaýhanlar, täze hasyly guramaçylykly ýygnamak barada hem ykjam taýýarlanýarlar. Olar däne oragynyň öň ýanynda ekerançylyk meýdanlarynyň çäklerini aýlanyş öwrümlerini gözden geçirýärler. Bu bolsa ekin meýdanlaryndaky güýzlük bugdaýynyň “Kalim”, “Bagrat”, Batgo” we “Bitarap” ýaly görnüşleriniň ýeke dänesiniň hem zaýalanman Watan harmanyna tabşyryljakdygyna güwä geçýär.