Dün­ýä­niň dür­li ýer­le­rin­de özüniň gözel keşbi, ajaýyp te­bi­gy ýagdaýy we bi­na­gär­lik aýratynlyklary bi­len tapawutlanýan sebitler bolup, şeýle ýerleriň arasynda görenleri haýrana goýýan owadan obalar hem bar. Dünýäniň şeýle obalarynyň ajaýyplygy, üýtgeşik owa­dan­ly­gy ençeme syýahatçylary, dünýä ja­han­keş­de­le­rini özü­ne çek­ýär. Ge­liň, dünýäniň şeýle oba­la­rynyň käbiri bilen tanyş bolalyň: 

Kol­mar obasy. Fran­si­ýa­nyň gün­do­ga­r sebitinde ýerleşýän bu oba örän owadan  keşbe eýedir. Ady Kolmar bolan bu oba ýurduň El­zas we­la­ýa­tyn­da­ ýerleşip, oba ýa­şaý­jy­la­ry bu ýerde esasan hem üzüm ös­dü­rip ýe­tiş­dir­mek bi­len meş­gul­lan­ýar. Obanyň için­den birnäçe kanallar akyp geç­ýär, bu ýagdaý bolsa Wenesiýany ýadyňa salýar. 

Gar­miş-Par­ten­kir­hen obasy. Bu oba Ger­ma­ni­ýa­nyň gü­nor­ta­syn­daky dag ete­gin­de ýer­leş­ýär. 1936-njy ýyl­da bu ýer­de IV gyş­ky Olim­pi­ýa oýun­la­ry ge­çi­ril­ýär. Gö­zel dag te­bi­ga­ty­nyň jüm­mü­şin­dä­ki bu sebit gy­ş paslynda şag­la­wuk­la­ryň doň­ma­gy bilen örän üýtgeşik keşbe eýe bolýar we bu ýe­riň sy­ýa­hat­çy­lyk äh­mi­ýe­ti­ni has-da art­dyr­ýar. 

Ga­sa­da­lur obasy. Şot­lan­di­ýa­nyň de­mir­ga­zy­gyn­daky­ ýerleşýän bu obanyň çägi Farer ada­la­ryn­a degişlidir. Deňiz derejesinden 213 metr belentlikde ýerleşýän bu tä­sin oba di­ňe de­ňiz­ arkaly ba­ryp bol­ýar. Obada de­ňiz ke­na­ry kert-uçut ga­ýa­ly bo­lup, bu oba bar­mak üçin ýö­ri­te gur­lan bas­gan­çak­lar­ bilen ýokarlygyna çyk­ma­ly bolýar. 

Reý­ne obasy. Bu ajaýyp oba Nor­we­gi­ýa­nyň Mos­ke­ne­so­ýa ada­syn­da­ ýerleşýär. Reýne obasynyň ýa­şaý­jy­la­ry, esa­san, ba­lykçylyk bi­len meş­gul­lan­ýarn halk bolup, ila­t sany 300 adam­dan gow­rakdyr. 

Hallş­tatt obasy. Awst­ri­ýa­nyň de­mir­ga­zy­gyn­da ady­bir kö­lüň ke­na­ryn­da­ky bu oba­nyň ta­ry­hy örän gadymydyr. Onuň taryhy mi­la­dy­dan öňki bäş mü­ňün­ji ýyl­la­ra çenli ba­ryp ýet­ýär. 1997-nji ýyl­da bu ajaýyp sebit ÝU­NES­KO-nyň Bü­tin­dün­ýä mi­ra­sy­nyň sa­na­wy­na gi­ri­zil­di.  

Gi­ma­laý da­gyn­da­ky oba. Hy­ta­ýyň Ti­bet se­bi­tin­de ýerleşýän bu ajaýyp oba örän täsin keşbe eýedir. Ol Gi­ma­laý dag­la­ry­nyň etek­le­rin­däki ulu­ly-ki­çi­li bir­nä­çe obalaryň toplumyndan ybaratdyr. Bu oba­la­ra di­ňe py­ýa­da ýa-da ulag hökmünde peýdalanylýan haý­wan­la­r arkaly ba­ryp bol­ýar. 

Maral ALLABERDIÝEWA,

Türkmen oba hojalyk institutynyň 3-nji ýyl talyby.