Adamzat uzak wagt bäri planetanyň ekosistemalaryny ulanýar we ýok edýär. Her 3 sekuntda tokaý meýdanlarynyň köp bölegi ýitýär. Ekosistemalaryň ýitmegi dünýäni tokaý we torf ýaly uglerod gorlaryndan mahrum edýär. Global parnik gazlarynyň zyňyndylary yzygiderli artýar we temperaturanyň ýokarlanmagyna getirýär. Atmosferanyň temperaturasy gaty çalt ýokarlanýar we şonuň üçin adamlar muňa uýgunlaşyp bilmeýärler. Ýaşaýyş ýeriniň ýitmegi takmynan bir million görnüşiň ýitmegine getirýär. Bu baýramçylygyň bellenilmegi hem şeýle wakalar bilen baglanyşykly bolup durýar.

Bütindünýä Daşky gurşawy goramak güni 1972-nji ýyldan başlanany bäri köp ýurtlaryň ýaşaýjylary öýleriniň töweregini arassalamak, agaç ekmek bilen müňlerçe çäräni geçirdiler.

Bütindünýä daşky gurşawy goramak güni BMG tarapyndan döredilen we her ýyl 5-nji iýunda bellenilýän Daşky gurşaw güni, ähli ekologlar we daşky gurşaw guramalary dünýä jemgyýetçiliginiň ünsüni daşky gurşaw meselelerine çekmegiň, şeýle hem syýasy gyzyklanmany we degişli çäreleri höweslendirmegiň esasy usullaryndan biridir.

Bu baýramçylyk 1972-nji ýylda BMG Baş Assambleýasynyň 27-nji mejlisinde yglan edildi. 1972-nji ýylda Stokgolmda  adam gurşawy baradaky konferensiýanyň başlanan senesi hökmünde saýlandy, soňra bolsa BMG-niň Daşky gurşaw maksatnamasy döredildi. Ynsan Fiziki barlygyny üpjün edýän we oňa intellektual, ahlak, jemgyýetçilik we ruhy taýdan ösüş üçin mümkinçilikleri döredýän daşky  gurşawy dörediji. Adam gurşawynyň tebigy we adam tarapyndan döredilen iki tarapy, abadançylygy we esasan adam hukuklaryndan, hatda ýaşaýyş hukugyndan peýdalanmak üçinem  aýgytly ähmiýete eýe.

Mergen JORAÝEW,

Türkmen oba hojalyk institutynyň
Agronomçylyk fakultetiniň talyby.