2025-nji ýylyň 29-njy martynda Arkadag şäherinde geçirilen «Parahatçylyk we ynanyşmak ýyly: çagalaryň hatyrasyna halkara işiniň ösüşi» atly halkara konferensiýanyň jemleýji resminamasynda çagalaryň abadançylygyny we hukuklaryny goramak üçin halkara hyzmatdaşlygynyň möhümdigi bellenildi. Bu çäre, BMG-niň yglan eden Halkara Parahatçylyk we Ynam ýylynyň çäklerinde guralyp, Birleşen Milletler Guramasynyň Tertipnamasynyň ýörelgelerine we 2030-njy ýylyň Durnukly ösüş gün tertibine ygrarlydygyny tassyklady.

Konferensiýa gatnaşyjylar çagalaryň saglygyny goramak we olary goldamak ugrunda halkara hyzmatdaşlygyny has-da berkitmegiň zerurdygyny nygtadylar. Bilim, saglygy goraýyş we sosial goldaw babatynda anyk ädimleriň ädilmelidigini belläp, çagalaryň hemmetaraplaýyn ösüşini gazanmak üçin ICEUNISEF, UNFPA, BSGG we UNESKO ýaly halkara guramalar bilen hyzmatdaşlygyň giňeldilmelidigine aýratyn üns berdiler.

Jemleýji resminamada bilim we öz içine alyjy ösüş babatda hyzmatdaşlygy pugtalandyrmagyň möhümdigi, şeýle-de howanyň üýtgemeginiň çagalaryň durmuşyna ýetirýän täsirini peseltmek üçin bilelikdäki çäreleriň görülmelidigi nygtaldy. Maslahata gatnaşyjylar global ýylylygyň we daşky gurşaw meseleleriniň geljekki nesiller üçin çynlakaý howp döredýändigini ykrar edip, ekologik bilimi ösdürmek we howanyň üýtgemegine garşy çagalara goldaw bermek meselelerine aýratyn üns berilmelidigini beýan etdiler.

Jennet Rahimowa,

Döwletmämmet Azady adyndaky
Türkmen milli dünýä
dilleri institutynyň talyby.