Ahal welaýaty
logo

Soňky täzelikler:
✦ UNIDO-nyň Global senagat sammiti öz işine başlady ✦ ✦ Kabulda Türkmenistanyň hemişelik Bitaraplygynyň 30 ýyllygy dabaraly bellenildi ✦ ✦ Türkmenistanyň Prezidenti Gazagystan Respublikasyna döwlet sapary bilen bardy ✦ ✦ Türkmen-tatar hyzmatdaşlygynyň täze ugurlary ara alnyp maslahatlaşyldy ✦ ✦ Türkmen wekiliýeti Saud Arabystan Patyşalygynda okuw saparynda boldular ✦ ✦ Bitaraplyk – daşary syýasaty alyp barmagyň esasy guraly ✦ ✦ «Balkan» köpugurly söwda merkezinde Eýran Yslam Respublikasynyň sergisi geçirildi ✦ ✦ Türkmenistan bilen Özbegistanyň arasyndaky hyzmatdaşlygyň täze tapgyry ýola goýulýar ✦ ✦ Sanly ykdysadyýet innowasiýalary durmuşa geçirmegiň esasy ugry ✦ ✦ Türkmenistan Bitaraplyk ýörelgelerine eýermek arkaly halkara hyzmatdaşlygyny güýçlendirýär ✦
Baş sahypa / Gyzykly /Alymlar tagam bilýän robot ýasamagy başardylar
  18.05.2022
1382
Alymlar tagam bilýän robot ýasamagy başardylar

Soňky ýyllarda emeli aň tehnologiýalarynyň ösmegi bilen köp dürli maksatlar üçin ulanyp boljak robotlar peýda bolup başlady. Kembrij uniwersitetiniň inženerleri tagamy dadyp anyklap bilýän roboty ýasadylar. 

Gözleg topary, Kembrij laboratoriýasynda täze ýasalan roboty synagdan geçirenlerinde robota dürli görnüşli tagamlary datdyrdylar. Robot berilýän tagamyň süýjüligini ýa-da duzlulygyny anyklamagy başardy. Munuň üçin robotyň önümçiliginde emeli aň we tagam biliş datçigi oturdyldy. 

Mundan başga-da, robot tagamlar taýýarlanylanda ajy burçuň nähili derejede goşmalydygyny anyklap bilýär. Hünärmenler bu robotyň kömegi bilen geljekde adamlaryň lezzet aljak iýmitini öndürip biljekdigini we naharlaryň aýratyn tagamlara laýyk bolup biljekdigini aýdýar. Gözlegçiler, robotyň gowy ýa-da erbet tagamlary öwrenip has gowy nahar taýýarlamaga kömek etjekdigini çaklaýarlar.

Kembrij uniwersitetiniň inženerleri, geljekde roboty has kämilleşdirip, ussat aşpezler ýaly nahar taýýarlamagy we olaryň has tagamly bolmagyny gazanmak isleýärler.

Aýnabat RAHMANÝAZOWA,

Döwletmämmet Azady adyndaky 
Türkmen milli dünýä dilleri 
institutynyň talyby.