Adamlar bilen deňiz anemonlarynyň arasynda garaşylmadyk baglanyşyk tapyldy. Adamlarda eşidişiň ösmeginde rol oýnaýan geniň, deňiz anemonlarynda hem birmeňzeş ýagdaýda işleýändigi ýüze çykaryldy.

Adamyň eşidiş ösüşi bilen baglanyşykly gen, täze gözleglere görä deňiz anemonlarynda duýgur ösüş bilen baglanyşyklydyr. "ELife" žurnalynda neşir edilen täze gözlegiň netijesine görä, "Pou-iv" diýlip atlandyrylýan bu geniň, ylmy ady "Nemotostella wektensisi" bolan deňiz anemonynyň ýüzgüçlerinde hem tapylandygy we haýwanyň degmek duýgusynda möhüm rol oýnaýandygy ýüze çykaryldy. Bu geniň anemonlardaky duýuş organlaryna gadymyýetde ösmegine uly itergi berendigini görkezýär.

Adamlaryň we beýleki oňurgaly haýwanlaryň eşidiş ulgamynyň duýgur reseptorlary mehaniki gyjyndyrmalary, titremeleri kabul etmek üçin jogapkärdir. Edil şuňa meňzeş ýagdaý deňiz anemonlarynyň eşidiş ulgamynda hem gabat gelindi. Häzirki wagtda anemonlardaky bu duýgur reseptorlaryň näme sebäpden adamyňka meňzeşliginiň üstüni açmak üçin birnäçe işler durmuşa geçirilýär.

Bu ylmy açyş, Arkanzas uniwersitetiniň alym biologlary tarapyndan ýüze çykaryldy. Uniwersitetiň alym biologlary, eger bu açyş doly ýagdaýda subut edilip bilinse, onda lukmançylyk pudagynda uly öňegidişlik bolar diýip çaklaýarlar.

Arzuw MYRADOWA,

Döwletmämmet Azady adyndaky 
Türkmen milli dünýä dilleri 
institutynyň talyby.