Ak bugdaý etrabyndaky ýöriteleşdirilen 46-njy orta mekdebiň sport zalynda woleýbol boýunça gyzlaryň arasynda welaýatyň birinjiligini almak ugrundaky ýaryş geçirildi. Ony «Türkmenistan» Ýaşlar bedenterbiýe-sport guramasynyň welaýat bölümi, welaýat Baş bilim müdirligi hem-de Türkmenistanyň Kärdeşler arkalaşyklarynyň welaýat birleşmesi bilelikde gurady.

Welaýatymyzyň etraplaryndan ýaş woleýbolçy gyzlardan ybarat toparlaryň gatnaşmagynda geçirilen ýaryşyň netijesinde güýçli toparlar ýüze çykdy. Tejen etrabynyň topary birinji, Kaka etrabynyň topary ikinji, Bäherden etrabynyň topary üçünji orunlary eýeledi.

Ýaryşyň ýeňijilerine «Türkmenistan» Ýaşlar bedenterbiýe-sport guramasynyň welaýat bölüminiň hormat hatlary, Türkmenistanyň Kärdeşler arkalaşyklarynyň welaýat birleşmesiniň ýörite sowgatlary gowşuryldy.