Türkmen türgenleri Çolpan-Ata şäherinde geçen uniwersal söweş boýunça Aziýa çempionatyndan 16 medal bilen dolandylar.

Soňky ýyllarda ýurdumyzda sportuň uniwersal söweş görnüşiniň hem uly ösüşlere eýe bolýandygy şu ugur bilen meşgullanýan türgenlerimiziň iri ýaryşlarda gazanýan netijelerinde aýdyň beýanyny tapýar. Gyrgyz Respublikasynyň Çolpan-Ata şäherinde geçirilen uniwersal söweş boýunça Aziýa çempionatynda Türkmenistanyň ýygyndy toparynyň eýe bolan netijeleri bu hakykatyň nobatdaky görkezijisine öwrüldi. Yklymyň nobatdaky çempionaty 10-dan gowrak döwletden 100-e golaý türgeni kabul etdi.