Ýaşlarda maşgala mukaddesligini berkitmek, dogry hünäri saýlamakda ýardam bermek we ýaşlaryň bilime bolan höwesini artdyrmak maksady bilen Kaka etrabynda ýerleşýän 18-nji orta mekdepde wagyz-nesihat duşuşygy geçirildi.

Duşuşyga 18-nji orta mekdebiniň okuwçylary, Türkmenistanyň Magtymguly Ýaşlar guramasynyň Ahal welaýatynyň Kaka etrap Geňeşiniň başlygy Begenç Öwezow, TMÝG-niň Kaka etrap Geňeşiniň wekilleri Begli Mämmedow we Kabulgeldi Meredow gatnaşdylar. Ýaşlar bilen geçirilen bu wagyz-nesihat duşuşygynda özara pikir alyşmalar we sorag-jogaplar boldy.

Duşuşykda Türkmenistanyň Magtymguly adyndaky Ýaşlar Guramasynyň alyp barýan işleri hem-de Türkmenistanyň Magtymguly adyndaky Ýaşlar Guramasynyň Merkezi Geňeşiniň Maglumat beriş bölümi barada görkeziliş çykyşlary edildi. Mundan başgada  “3 görnüşli ene-ata” atly tema boýunça Magtymguly adyndaky TDU-niň talyby Mekan Babaýew görkeziliş çykyşyny geçdi.

Wagyz-nesihat duşuşygy Türkmenistanyň Magtymguly adyndaky Ýaşlar guramasynyň Merkezi Geňeşiniň maglumat beriş bölümi, Türkmenistanyň Magtymguly adyndaky Ýaşlar guramasynyň Ahal welaýat Kaka etrap  Geňeşiniň gurnamagynda geçirildi.