Ahal welaýaty
logo

Soňky täzelikler:
✦ Garaşsyzlygymyzyň 34 ýyllygy mynasybetli döredijilik sergisi geçirildi ✦ ✦ Garaşsyzlyk baýramy mynasybetli täze seýligäh açylyp ulanylmaga berildi ✦ ✦ Nemes dilini netijeli öwrenmegiň usullary ✦ ✦ Milli demokratiýanyň nusgasy ✦ ✦ Halk Maslahaty — agzybirliligiň, döwletliligiň nyşany ✦ ✦ Ganatly bedewler — üstünliklerimiziň nyşany ✦ ✦ Garaşsyzlyk — döwletimiziň ösüşiniň ýolbeledi ✦ ✦ Halk Maslahaty — milli ösüşiň belent münberidir ✦ ✦ Ak altynyň möwsümi başlandy ✦ ✦ «Arkadag» futbol topary 102 oýunda 100 ýeňiş! ✦
Baş sahypa / Dünýäde /Hytaý 5,4 müň metr meýdanda innowasion merkezi bolan muzeý gurdy
  09.05.2025
429
Hytaý 5,4 müň metr meýdanda innowasion merkezi bolan muzeý gurdy

Hytaýyň Şençžen şäherinde dünýä belli “Zaha Hadid Architects” binagärlik býurosynyň taslamasy esasynda täze Ylym we Tehnologiýa muzeýi açyldy. Bu giň gerimli desga Şençženiň Guangming sebitinde ýerleşýär we onuň umumy meýdany 125 müň inedördül metre barabar.


Muzeý diňe täsin keşbi bilen däl, eýsem häzirki zaman tehnologiýalaryny giňden ulanmagy bilen hem üns çekýär. Binanyň gurluşynda ilkinji gezek bu derejede giň gerimde 2 reňkli poslamaýan polatdan peýdalanyldy. Şeýle hem ýokary ýylylyk saklaýjy aýna diwarlary bilen sergi zallaryny daşky gurşaw bilen sazlaşykly baglanyşdyrýar.


Bu bina diňe bir muzeý däl, eýsem ylym, bilim we döredijilik üçin giň mümkinçilikleri hödürleýän merkezdir. Onuň 6 müň inedördül metr meýdany teatrlar, kinoteatrlar we okuw zallary üçin niýetlenipdir. Mundan başga-da, 5,4 müň inedördül metre golaý meýdanda innowasion merkezler we barlaghanalar ýerleşýär. Sergi zallarynyň umumy meýdany bolsa 35 müň inedördül metre deňdir.


Täze muzeý diňe Hytaý üçin däl, eýsem dünýä derejesinde ylym bilen jemgyýeti birleşdirýän möhüm merkez hökmünde garaşylýar. Ol ýaşlara ylmy öwrenmekde, täzelikleri synap görmekde we döredijilikli pikirleri durmuşa geçirmekde giň mümkinçilikler döredýär.


Jeýhun Jumaşow
Türkmenistanyň Telekommunikasiýalar we
Informatika institutynyň talyby.