Strabon biziň eramyzdan öňki (64 – 63) we biziň eramyzyň (23 – 24) ýyllarynda ýaşan gadymy grek geografy we taryhçy alymydyr. Ol Kiçi Aziýada Amasiýa (Liwiýa) şäherinde dogulýar. Görnükli alym ýaşlyk ýyllarynda Gresiýa, Kiçi Aziýa, Italiýa we Müsüre syýahat edipdir. Bu alymynyň biziň günlerimize gelip ýeten 43 kitapdan ybarat bolan “Taryhy bellikler” eseri häzirki günde hem öz ähmiýetini ýitirmän gelýär. Ol “Taryhy bellikler” eseriniň dowamy hökmünde “Geografiýa” atly işini ýazýar.  Strabonyň “Geografiýa” atly işi, belli bolan antik geografiýanyň bilimlerini umumylaşdyryp, özünde jemleýär. Meşhur alymyň bu işi antik geografiýa ylmyny jemleýji eserdir. Eserde Hazar deňziniň ýakasy, onuň kenarynda ýaşaýan halklar dogrusynda hem käbir gymmatly maglumatlar getirilýär.

Şeýle-de bu meşhur alymyň Türkmenistanyň çäklerine syýahat edendigi onuň ýazan işlerinde görmek bolar. Ol öz işlerinde Amyderýa barada ýazypdyr. Strabon bu derýanyň iki müň ýyl mundan ozal hindi harytlaryny Hazar deňzine çenli getiren uly gämi gatnawly derýa bolandygyny ýazýar.

Diýmek, eserde biziñ häzirki ýaşaýan ýerlerimiz barada-da maglumatlaryň bardygy öz-özünden düşnükli bolsa gerek.

Jeren Batyrowa,
Türkmen oba hojalyk institutynyň
1-nji ýyl talyby.