Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Tehnologiýa /Afrikanyň iň beýik dagyna internet birikdirildi
  16.12.2022
1183
Afrikanyň iň beýik dagyna internet birikdirildi

Afrikanyň iň beýik dagy bolan Tanzaniýadaky Kilimanjaro-nyň iň beýik nokadynda internet hyzmatynyň hödürlenip başlanandygy habar berildi. Bu baradaky habary Tanzaniýanyň Maglumat we aragatnaşyk tehnologiýalary ministrligi mälim etdi.

Indi, Kilimanjaro dagynyň 5895 metr belentliginde hem internetden peýdalanyp bolýar. Mundan ozal, şu ýylyň awgust aýynda ilkinji gezek Kilimanjaro dagynyň deňiz derejesinden 3720 metr belentliginde internet hyzmaty berlipdi.

Her ýyl müňlerçe syýahatçynyň dyrmaşyp çykýan, dünýäniň iň beýik daglaryndan biri bolan Kilimanjaro-nyň depesi deňiz derejesinden takmynan 5895 metr beýiklikde ýerleşýär.

Dagyň iň beýik nokadyna internet birikdirilmegi daga çykýan alpinistleriň daga dyrmaşýan wagty bolup geçýän wakalary öz wagtynda jemgyýetçilik torlarynda şöhlelendirmegi üçin giň mümkinçilik bolup durýar. Mundan ozal, Kilimanjaro dagynda islendik mobil aragatnaşyk 1860 metrden soň işlemegini bes edýärdi.

Internet tory haýsydyr bir adatdan daşary ýagdaý ýüze çykanda kömek soramak üçin SOS signalynyň öz wagtynda berilmegine şert döreder.

Tanzaniýanyň demirgazyk-gündogarynda ýerleşýän Kilimanjaro dagy alpinistler üçin iň meşhur syýahatçylyk ugurlarynyň biridir. Kilimanjaro-da esasy üç sany sönen wulkanik «tüsseçykar» bar. Her ýyl bu daga 50 müňden gowrak adam gelýär. Olaryň ýarysy dagyň Uhuru gerşine çykýarlar. 

 

Jennet ABRAÝEWA,

Ýagşygeldi Kakaýew adyndaky 
Halkara nebit we gaz 
uniwersitetiniň talyby.