18-nji fewralda Türkmenistanyň Daşary işler ministrliginiň Halkara gatnaşyklary institutynda «Diplomatik protokol» atly ýöriteleşdirilen okuw merkezi açyldy.

Şol güni bu uly çäre bilen bir wagtda Halkara gatnaşyklar institutynda «Magtymguly Pyragynyň parahatçylyk taglymaty we Bitarap Türkmenistanyň diplomatiýasy» atly halkara maslahat hem geçirildi.

Diplomatik protokol bu - Hökümetler, daşary syýasat edaralary, diplomatik wekilhanalar hem-de beýleki resmi adamlar tarapyndan halkara gatnaşyklar boýunça berjaý edilýän düzgünleriň, däpleriň we şertleriň toplumydyr. Şol sebäpli Protokolyň düzgünleri «halkara sypaýyçylyk» diýlip atlandyrylýan ýörelgä esaslanýar. 

Häzirki wagtda dünýä giňişliginde ýurdumyzyň bähbitlerine wekilçilik edip bilýän ýokary hünär derejeli diplomatik işgärleri halkara standartlara laýyklykda taýýarlamak ulgamynyň kämilleşdirilmegi zerurdyr. «Diplomatik protokol» okuw merkezi bu ugurda Türkmenistanyň mümkinçiliklerini artdyrar.

Ata Atageldiýew,
Türkmen oba hojalyk
institutynyň I ýyl talyby.