Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Şygryýet /Watan goragy mukaddesdir
  05.02.2020
776
Watan goragy mukaddesdir

     Ahal welaýatynyň Ak bugdaý etrabynyň Gämi oba medeniýet öýünde Ak bugdaý etrap häkimligi, etrap jemgyýetçilik guramalary we Ak bugdaý etrap Medeniýet bölümi bilen bilelikde Türkmenistan döwletimizde giňden bellenilip geçilýän Watan goragçylarynyň güni mynasybetli ,,Watan goragy mukaddesdir” diýen at bilen aýdym-sazly dabaraly maslahat geçirildi. Bu geçirilen aýdym-sazly dabaraly maslahata ýaşuly nesliň wekilleri bolan il sylagly ýaşulylar, mährem eneler, Ak bugdaý etrap Sport we Ýaşlar syýasaty bölüminiň, etrap medeniýet bölüminiň, etrap hassahanasynyň, şeýle-de Ak bugdaý etrap bilim bölüminiň kalby buýsançdan doly bagtyýar raýatlary gatnaşdylar. Aýdym-sazly dabaraly maslahaty Türkmenistanyň Magtymguly adyndaky Ýaşlar guramasynyň Ak bugdaý etrap Geňeşiniň başlygy Maksat Ballykow açmak bilen daşymyzyň galasy bolan Watan goragçylarynyň güni mynasybetli gyzgyn gutlag sözlerini aýtdy. Soňra Ak bugdaý etrabynyň Gämi obasynyň ýaşaýjysy, il sylagly ýaşuly Nurýagdy Mommadowyň, Änew şäheriniň ýaşaýjysy, mährem ene Ogulsirin Muhammetgulyýewanyň eden täsirli çykyşlary aýdym-sazly dabaraly maslahata gatnaşyjylarda aýratyn täsir galdyrdy. Ýaşuly nesliň wekilleri eden çykyşlarynda daşymyzyň galasy bolan Watan goragçylarynyň güni mynasybetli gutlag sözlerini aýtdylar. Soňra Hormatly Prezidentimiziň parasatly ýolbaşçylygynda bagtyýar halkymyzyň asuda, parahat, bolelin durmuşyň hözürini görüp ýaşaýandygyny, günlerimiziň toýlara beslenip gelýändigini, Watan goragçylarynyň gününi ýurdymyz ýokary derejede belläp geçýändigi barada buýsançly çykyşlary etdiler. Ak bugdaý etrap medeniýet bölüminiň aýdym-saz ussatlarynyň ýerine ýetiren hoş owazly çykyşlary bolsa dabaraly maslahata gatnaşyjylara ruhy lezzet paýlady.