Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Ykdysadyýet /Türkmenistan bilen Günorta Koreýanyň hyzmatdaşlygy giňelýär
  18.04.2025
552
Türkmenistan bilen Günorta Koreýanyň hyzmatdaşlygy giňelýär

Günorta Koreýanyň “Daewoo Engineering & Construction Co” kompaniýasy Türkmenistanyň gündogar sebitinde dökün önümçilik zawodynyň gurluşygy boýunça umumy bahasy 700 million amerikan dollaryna barabar bolan çarçuwaly şertnama baglaşdy. Bu barada Koreýanyň Söwda, senagat we energetika ministrligi resmi maglumat berdi.

 

“Ýonhap” habarlar gullugynyň ýazmagyna görä, şertnama Seulda “Türkmenhimiýa” döwlet konserni bilen gol çekildi. Ministrligiň bellemegine görä, koreý kompaniýasy bu taslama üçin iň mynasyp dalaşgär hökmünde saýlanyldy.

 

Taslamanyň çäklerinde fosfor serişdeleri gaýtadan işlenip, döwrebap dökün önümçiligi ýola goýlar. Zawodyň gurluşygynyň tamamlanmagy we ulanyşa berilmegi 2029-njy ýyla meýilleşdirilýär.

 

Şertnama gol çekilenden soň, Günorta Koreýanyň senagat ministri An Duk Gyn bilen Türkmenistanyň Ministrler Kabinetiniň Başlygynyň orunbasary Baýmyrat Annamämmedow duşuşyp, iki ýurduň arasyndaky hyzmatdaşlygyň mümkinçilikleri barada pikir alyşdylar.