Ýaňy ýakynda Dana bilim merkeziniň Türkmenbaşy şahamçasynyň guramagynda, galyberse-de Türkmenistanyň Magtymguly adyndaky Ýaşlar guramasynyň Türkmenbaşy geňeşiniň, Türkmenbaşy şäher bilim bölüminiň, Türkmenbaşy şäher sport bölüminiň, Türkmenistanyň mekdep sport federasiýasynyň, Şagadam futbol toparynyň, Deňiz-derýa orta hünär mekdebiniň ýardamlaşmagy bilen "Saglyk, ruhubelentli, dostluk" atly şygar bilen Türkmenbaşy şäher mekdep okuwçylarynyň 8-9 synp okuwçylarynyň arasynda futbol ýaryşynyň deslapky tapgyry geçirildi. Bu ýaryşa Türkmenbaşy şäher mekdepleriniň 15 sanysy gatnaşdylar.

Ýaryş diyseň çekeleşikli geçip, mekdepleriň arasynda 2-nji, 6-njy, 8-nji, 9-njy,11-nji,12-nji,13-nji,14-nji mekdep okuwçylary 1/4 finalda çykyş etmäge hukuk gazandylar.

Ýaryş Türkmenistan ata Watanymyzyň döwlet senasy we Aziya futbol federasiýasynyň sazy bilen başladyldy. Ýaryş Türkmenbaşy şäheriniň ýöriteleşen 10-njy orta mekdebiniň futbol meýdançasynda geçirildi. Dana bilim merkeziniň direktory Nury Halmanowyň aýtmagyna görä şu çäre diňe ýaryşlaryň başlangyjy bolup durýar. Şeýle-de stol tennis ýaryşy, küşt ýaryşlarynyň geçirmekligi meýilleşdirilýär.