logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Sport /Sport - sagdynlygyň girewi
  26.12.2023
861
Sport - sagdynlygyň girewi

Eziz diýarymyzda ösüp gelýän ýaş nesilleriň beden taýdan sagdyn, ruhy taýdan kämil şahsyýetler bolup ýetişmekleri ugrunda döwlet derejesinde ägirt uly işler durmuşa geçirilýär. Munuň özi, halkymyzyň jan saglygyny goramak, sagdyn-durmuş ýörelgelerini ornaşdyrmak ugrunda edilýän aýdyň tagallalardyr. Ynsanyň baş baýlygy bolan saglygy pugtalandyrmakda Gahryman Arkadagymyzyň, Arkadagly Gahryman Serdarymyzyň nusaglyk göreldesine eýerip, bedenterbiýe we sport bilen meşgullanýanlaryň sany häzirki wagtda günsaýyn artýar.

 

 

Sport bilen meşgullanmak diňe bir beden taýdan taplanmak bolman, eýsem ruhy kämillige hem eýe bolmakdyr. Olaryň ikisi birleşende bolsa, adam özüni bagtyýar duýup, her bir dogýan güni ruhubelentlik bilen garşy alýar. Sporty gündelik durmuşda endigine öwüren ynsanlar bolsa üstünliklere sary ynamly gadam urýarlar.

 

 

“Sagdyn bedende – sagdyn ruh” ýörelgesini öňe sürýän Gahryman Arkadagymyzyň, Arkadagly Gahryman Serdarymyzyň durmuşa geçirýän asylly işleriniň netijesinde ýurdumyzda sagdyn jemgyýet kemala gelýär. Sporty ösdürmeklige döwlet syýasatynda ileri tutulýan ugur hökmünde aýratyn üns-alada bilen garalýar. Şeýle döwletli işleriň geriminiň barha giňemegi  jemgyýetimiziň berk bedenli we kämil ruhly, ruhubelent bolmagy ýaly belent maksatlarda öz beýanyny tapýar. 

 

 

Ýalkapberdi BAÝMUHAMMEDOW,
Türkmenistanyň Döwlet energetika 
institutynyň talyby.