Beýik taryhy şahslaryň biri bolan ussat halypa, pir Abul-Fazl Muhammet ibn Hasan Sarahsyň 1000 ýyllygyna bagyşlanan “Sarahs baba Abul Fazl piriň ömri – nesillere ruhy miras” atly ýaş taryhçylar duşuşygy geçirilýär.

Ýaşlarda taryhy geçmişimizi, milli mirasymyzy öwrenmek, goramak, sarpa goýmak endiklerini kämilleşdirmek we taryhda yz goýup giden beýik taryhy şahslarymyzy hatyralamak maksady bilen geçirilýän bu duşuşyk isleg bildirýän halk köpçüligi üçin açykdyr.

Häzirki wagtda Türkmenistan Bütindünýä mirasynyň sanawyny baýlaşdyrmak maksady arkaly ÝUNESKO bilen işjeň özara hereketleri dowam edýär. Hormatly Prezidentimiziň tagallasy bilen Sarahs babanyň ýadygärligini ÝUNESKO-nyň  Adamzadyň maddy däl medeni mirasynyň sanawyna hödürlenmegini bellemek bolar.

“Sarahs baba Abul Fazl piriň ömri – nesillere ruhy miras” atly ýaş taryhçylar duşuşygy – 09.12.2023ý. sagat 17:00 - da Türkmenistanyň Bilim ministrliginiň “Diller dünýäsi” dil merkezinde geçirilýär.

Duşuşygyň geçiriljek ýeriniň salgysy: “Diller dünýäsi” dil merkezi Aşgabat ş. Ýunus Emre köçesi

Habarlaşmak üçin: +99362 30 26 61;  +99364 83 44 32;