Belent bagty alyp geldiň,

Şany belent Bitaraplyk.

Türkmenime ýalkym saldyň,

Baky bagtym Bitaraplyk.

Parahatlyk synmaz sende,

Ýurt çyragy sönmez sende.

Watan güllär saýasynda,

Täji tagtym Bitaraplyk.

Läle reýhan mekanym bar,

Müňläp şirin mukamym bar.

Nazar saldy Hak Biribar,

Ýurt zynatym Bitaraplyk.

Pederleriň namys ary,

Şu toprakdyr kalp ygrary.

Eneleriň dileg ary,

Hoş gurbatym Bitaraplyk.

Pyragydan nesle ýeten,

Berkararlyk mesgen tutan.

Bu gün güllär ata Watan,

Güýç kuwwatym Bitaraplyk,

Arkadagly penam bardyr,

Bitaraplyk senam bardyr.

Bagt baýramly senäm bardyr,

Hoş döwletim Bitaraplyk.