Berkarar döwletiň täze eýýamynyň Galkynyşy döwründe eziz diýarymyz halkara sport hyzmatdaşlygynyň iri merkezleriniň biri hökmünde giňden tanalýar. Milli we halkara ýaryşlarda işjeňlik görkezýän türkmen türgenleriniň gazanýan abraýly üstünlikleri bu ulgamda alnyp barylýan çäreleriň netijeliligini aýdyň görkezýär. “Pähim-paýhas ummany Magtymguly Pyragy” diýlip yglan edilen ýylymyz hem turuwbaşdan sport ýaryşlaryna beslenip, sagdyn durmuş ýörelgeleriniň köpçülikleýin häsiýete eýe bolmagy bilen tapawutlanýar.      

Täze belentliklere eýe bolýan türkmen sporty häzirki wagtda ozal görlüp-eşidilmedik ösüşlere beslenýär. “Türkmenistan – ruhubelentligiň we sagdynlygyň ýurdy” atly Uniwersiadanyň oýunlaryny ýylyň-ýylyna geçirmeklik indi ýurdumyzda asylly däbe öwrüldi. Diýarymyzda döwrebap we halkara ülňülerine laýyk gelýän sport desgalarynyň düzümi döredilýär hem-de köpçülikleýin bedenterbiýe-sagaldyş hereketiniň depgini günsaýyn güýçlenýär.

Ýurdumyzda şeýle şertleriň döredilmegi diňe bir ýaşlar babatynda däl-de, eýsem uly ýaşly, dürli pudaklarda zähmet çekýän bagtyýar raýatlaryň sagdyn ýaşamagy ugrunda edilýän aladalaryň bimöçberdigini aýdyň görkezýär.  

Watansöýüji, berk bedenli, sagdyn ruhly, döwrebap bilimli nesilleri terbiýeläp ýetişdirmäge, bedenterbiýäni we sporty ösdürmäge giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutumly işleri elmydama rowaçlyklara beslensin!

Sahyt ATADURDYÝEW,
Türkmenistanyň Döwlet energetika
institutynyň talyby.