ABŞ-nyň Milli saglyk institutynyň hünärmenleriniň geçiren barlaglaryna görä, yzygiderli gara çaý içmek ölüm howpunyň azalmagyna getirýär. Geçirilen ylmy barlaglarda günde iki ýa-da ondan köp çaý içenleriň, çaý içmediklere garanyňda ölüm howpy 9-13 göterim pes bolup çykdy. Täze gözlegiň netijeleri «Annals of Internal Medicine» žurnalynda çap edildi.

Gözlegde, keselleriň döremeginde daşky gurşawy we genetiki faktorlary barlamak üçin döredilen «Biobank»-yň maglumatlaryndan peýdalanyldy. Maglumatlarda 40 ýaşdan 69 ýaş aralygyndaky 500 müň adamyň 85 göteriminiň yzygiderli çaý içýändikleri we olaryň 89 göteriminiň gara çaý ulanýandyklary aýdylýar. Netijede hünärmenler, gözlegden soň « - Dowamly çaý içmek ömri uzadýar» - diýen karara geldiler.