Arkadagly Gahryman Serdarymyz taryhy çykyşlarynda her bir maksatly işe ähli halkymyz bilen bir hatarda, türkmen ýaşlarynyň hem mynasyp goşant goşýandygyny belläp geçýär. Bu guwandyrjy görkezijileriň sakasy ylym-bilim bolup durýar. Ýurdumyzyň bilim ulgamynyň dünýä ülňülerine laýyk gelýän derejede ösdürilmegi hem-de bu ugurdaky işleriň netijeli häsiýetde ýola goýulmagy üçin yzygiderli mümkinçilikler döredilýär.  Bu möhüm pudakda alnyp barylýän çäreler ýaşlaryň ösen ukyp-başarnykly, bilimli bolup ýetişmeklerine, ylmy gözlegleriniň täze basgançaklaryna aralaşmaklaryna oňyn täsir edýär.

Häzirki zaman türkmen ýaşlarynyň durmuşyň islendik ugurlaryndan oňat baş alyp çykmaklary üçin olara berilýän bilim-terbiýäniň döwrebap görnüşde bolmagyna aýratyn üns berilýär. Ýaş nesliň beden we ruhy taýdan sazlaşykly ösmegi, watansöýüjilik, ynsanperwerlik ruhunda terbiýelenmegi bilen baglanyşykly özgertmeler öz mynasyp miwelerini berýär. Türkmen ýaşlary öz başarnyklaryny dünýä ýüzünde görkezip, türkmen tuguny belentde parladýalar.

Biz ýaşlara dünýä ülňülerine laýyk derejede bilim almaga giň şertleri döredip berýän alym Arkadagymyzyň hem-de Arkadagly Gahryman Serdarymyzyň janlary sag, ömürleri uzak, tutýan tutumly işleri hemişe rowaç bolsun! 

Merdan ŞAÝMERDANOW,
Türkmenistanyň Döwlet energetika institutynyň talyby.