Ýakynda Türkmenistanyň Daşary işler ministrliginiň Halkara gatnaşyklary institutynda ýurdumyzyň orta mekdepleriniň 11-nji synp okuwçylarynyň arasynda Türkmenistanyň taryhy, matematika, türkmen dili, iňlis dili dersleri boýunça olimpiada geçirildi. Birleşen Milletler Guramasy tarapyndan yglan edilen Bilimler güni mynasybetli institutyň Magtymguly adyndaky Ýaşlar Guramasynyň Merkezi geňeşi bilen bilelikde gurnalan bu bäsleşige ýurdumyzyň orta mekdeplerinden 500-e golaý mekdep okuwçylary gatnaşdylar.

“Watanyň daýanjy-bilimli ýaşlar, Arkadagly Gahryman Serdaryň guwanjy ýaşlar!”  diýlip atlandyrylan bu olimpiadanyň I tapgyrynyň jemleri boýunça Aşgabat şäherinden 81, Ahal welaýatyndan 24, Lebap welaýatyndan 32, Daşoguz welaýatyndan 26, Mary welaýatyndan 42, Balkan welaýatyndan 32 okuwçy bäsleşigiň ikinji tapgyryna gatnaşmaga mümkinçilik gazandylar. Bäsleşigiň II tapgyry 22-nji aprelde geçiriler.  

Bäsleşik barada has takyk maglumatlary şeýle-de olimpiadanyň I tapgyrynyň doly netijelerini institutyň resmi web saýtyndan gyzyklanyp bilersiňiz.

Kadyrmyrat ÖWEZGYLYJOW,
Türkmenistanyň Daşary işler ministrliginiň
Halkara gatnaşyklary institutynyň talyby.