Aşgabat şäherinde we ýurdumyzyň ähli welaýatlarynda musulmanlaryň mukaddes baýramlarynyň biri bolan Gurban baýramy giňden we dabaraly bellenilýär.

Şu mynasybetli Türkmenistanyň Prezidenti Serdar Berdimuhamedow türkmen halkyny Gurban baýramy bilen tüýs ýürekden gutlady. Döwlet Baştutany bu baýramyň umumadamzat gymmatlyklaryny baýlaşdyrýandygyny we ynsanperwer gatnaşyklary pugtalandyrýandygyny belläp geçdi. Bu barada anna güni Türkmenistanyň resmi metbugatynda habar berildi.

Hormatly Prezidentimiz Serdar Berdimuhamedow gutlagynda şu ýyl Türkmenistanyň hemişelik Bitaraplygynyň 30 ýyllygynyň giňden bellenilýändigini, şeýle-de yslam dünýäsiniň mukaddes ýerleri — Mekgedäki Käbe we Medinedäki Pygamber metjidi ýaly ýerlerde tagat-ybadatlaryny ýerine ýetirmekleri üçin müňlerçe raýatyň Saud Arabystanyna zyýarata ugradylandygyny nygtady.

Şeýle hem Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow hem Türkmenistanyň Prezidenti Serdar Berdimuhamedowy, şeýle-de halkymyzy mukaddes Gurban baýramy bilen gutlap, bu baýramyň ruhy bitewülik, agzybirlik we ynsanperwer maksatlary özünde jemleýändigini belledi.

Baýramyň ilkinji gününde ýurdumyzyň ähli künjeklerinde baýram namazy okaldy, doga-dilegler edildi we dürli derejedäki baýramçylyk çäreleri geçirildi.