Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Saglyk /Ylgamak ýatkeşlige nähili täsir edýär?
  17.06.2022
1381
Ylgamak ýatkeşlige nähili täsir edýär?

ABŞ-nyň Brigama Ýanga uniwersitetiniň alymlary ylgamagyň ýatkeşligi ösdürmäge nähili täsir edýändigini anykladylar. Ol habar Neuroscience žurnalynda çap edildi. Alymlaryň aýtmagyna görä, ylgamak beýniniň ýatkeşlige jogap berýän bölümi - gippokampa stresleriň edýän zyýanly täsirini peseldýär. Iki neýronyň arasyndaky sinaptiki geçirijiligiň güýçlenmegi bilen maglumatlar ýokary derejede ýatda saklanýar. Bu proses uzak wagtlaýyn potensiasiýa diýip atlandyrylýar. Şeýle-de gaýtalanýan we dowamly stresler sinaptiki geçirijiligi gowşatmak bilen, ýatkeşlige ters täsir edýär. Alymlar ylgamak bilen ýatkeşligiň arabaglanyşygyny görkezmek üçin, syçanlarda synag geçirdiler. Gemrijilere stresli gurşawy döretdiler. Netijede tigirde ylgaýan syçanlaryň uzak wagtlaýyn potensiasiýa görkezijisi synagyň dowamynda hereketsiz galanlaryň görkezijisinden ýokary boldy. Mundan başga-da, labirinti geçmek boýunça ýatkeşligi barlamak üçin geçirilýän synagda tigirde ylgan syçanlar az ýalňyşlyklary goýberdiler. Synagyň netijesi ylgamak bilen ýatkeşligi güýçlendirmek mümkindigini subut etdi.

Babamyrat NURJYKOW, Türkmen oba hojalyk institutynyň talyby