ABŞ we Kanadaly alymlar, Ýere gaçan 15.2 tonna agyrlygyndaky meteoritde henize çenli görülmedik iki sany mineraly tapdylar.

Alberta uniwersitetiniň beren beýanynda, Ýere gaçan bu meteorit şu wagta çenli tapylan dokuzynjy iň uly meteorit bolup durýar. Bu äpet meteoritde henize çenli görülmedik iki sany mineralyň bary-ýogy 70 gramy tapyldy.

Alberta uniwersitetiniň meteorit hünärmenleri derňew işlerini geçirmek üçin Ýere gaçan asman jisiminden kosmos gaýasyndan nusgalary aldylar. Soňra alnan nusgalar mikroskop bilen gözden geçirildi we kesgitli netijä gelindi. Alymlar häzirki wagtda hem täze tapylan iki sany mineralyň häsiýetlerini we ulanyp boljak ýerlerini öwrenmegi dowam etdirýärler.

Iki sany täze mineralyň birine meteoritiň Somaliniň merkezindäki El Ali şäherine golaý ýerde tapylanlygy sebäpli «El Ali» goýuldy. Ikinji minerala bolsa, Arizona döwlet uniwersitetinde zähmet çekýän bir alymyň hormatyna «elkistantonit» diýip at berildi.

Belläp geçsek, Elkins-Tanton Arizona döwlet uniwersitetiniň Planetara başlangyjy boýunça wise-prezidenti şol sanda Amerikanyň Milli awiasiýa we kosmos dolandyryş guramasy bolan «NASA»-nyň «Psyche» atly derňew uçuşynyň esasy derňewçisidir. 

Yslam TYLLANUROW,

Türkmen döwlet binagärlik we
gurluşyk institutynyň Inžener-mehanika
fakultetiniň dekany.