Kyn düşende günleň dogup batmasy,
Kän otlanar ýatlamalaň peltesi,
Ene ýabyň paglap akýan gatlasy,
Bile pagta ýyganlygňy ýatladar.

Bu durmuşyň hasabyna sakdygy,
Aýlanaýsaň bir aýagyň çekdigi,
Obamyzyň iki gatly mekdebi,
Bir mahallar bolanlygmy ýatladar.

Jany sagyň ýeke başy çaralar...
Saçyň düşer wagtyndan ir çalarar,
Sen gelmäň soň alaçsyzja çolaran,
Ýollar saňa gelenligňi ýatladar.

Durup geçdik nämeleriň duşunda,
Üçekleriň buz sallansa gaşynda,
Aýazly gün tas ýigrimi ýaşyňda,
Kän garaşyp doňanlygňy ýatladar.

Ömür ýaşlygyňy düýne düýneder,
Ýürek asly boýun egmez synadyr,
Başartmasa giň jahana sygma-da,
Bir ýürege syganlygňy ýatladar.

Geçmiş bolsa, çar tarapdan dörülen,
Bolar bir zat ýetmeýän deý törüňe... 
Ejeň ýygnan han seçegi barybir,
Saňa meniň gelinligmi ýatladar.