Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Syýasat /«Ýaşlar — Watanyň daýanjy» kitabyň ýapon dilindäki neşiriniň tanyşdyrylyşy geçirildi
  20.02.2025
2419
«Ýaşlar — Watanyň daýanjy» kitabyň ýapon dilindäki neşiriniň tanyşdyrylyşy geçirildi

Türkmenistanyň Daşary işler ministrliginiň Halkara gatnaşyklary institutynda Prezident Serdar Berdimuhamedowyň «Ýaşlar — Watanyň daýanjy» atly kitabynyň ýapon dilindäki neşiriniň tanyşdyrylyş dabarasy geçirildi.


Habarda bellenilişi ýaly, geçen ýylyň dekabrynda çapdan çykan we türkmenistanly ýaş nesil üçin möhüm gollanma öwrülen bu kitap daşary ýurtlarda hem uly gyzyklanma eýe boldy. Onuň Ýaponiýanyň Sukuba uniwersiteti bilen hyzmatdaşlykda ýapon diline terjime edilmegi munuň aýdyň güwäsidir. Bu waka Türkmenistanyň we Ýaponiýanyň arasyndaky dostlukly gatnaşyklary berkitmekde möhüm ädim bolup durýar. Şeýle hem, bu ýokary okuw mekdebi bilen bilelikde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Ömrümiň manysynyň dowamaty» atly edebi-filosofik eseriniň ýapon diline terjime edilendigi mälim edildi. Bu eser 2024-nji ýylyň ýanwarynda ýapon dilinde çapdan çykdy.


Tanyşdyrylyş dabarasyna Türkmenistanyň Daşary işler ministrliginiň, diplomatik wekilhanalaryň, halkara guramalaryň wekilleri, ýokary okuw mekdepleriniň professor-mugallymlary, talyplar hem-de köpçülikleýin habar beriş serişdeleriniň wekilleri gatnaşdylar. Şeýle hem bu çärä Aşgabada sapar bilen gelen «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti Hiroýuki Subaýyň ýolbaşçylygyndaky wekiliýet hem gatnaşdy.


Çykyş edenler Türkmenistan bilen Ýaponiýanyň arasyndaky hyzmatdaşlygyň täze mazmun bilen baýlaşýandygyny belläp, bilim, ylym we medeniýet ugurlarynyň hyzmatdaşlygyň möhüm ugurlarydygyny nygtadylar. Şu nukdaýnazardan, «Ýaşlar — Watanyň daýanjy» atly kitabyň ýapon dilindäki neşiri Ýaponiýadaky okyjylara Türkmenistanyň ýaşlar syýasaty bilen giňişleýin tanyşmaga mümkinçilik berer.