Berkarar döwletiň täze eýýamynyň  Galkynyşy döwründe, Watanymyzyň geljegi bolan ýaşlara uly ynam bildirilip atlandyrylan  «Arkadag Serdarly bagtyýar ýaşlar»  ýylynda jemgyýetimizde  bolup geçýän ösüşler, şanly wakalar, dabaralar taryhyň gatlaryna altyn harplar bilen ýazylýar.

Türkmen halkynyň Milli Lideriniň, hormatly Prezidentimiziň taýsyz tagallalary bilen ýaşlar baradaky alada döwlet syýasatynyň esasy ugurlarynyň birine öwrüldi. Ýurdumyzda giň dünýägaraýyşly, döwrebap ylymly, bilimli, dünýäniň ösen tehnologiýalaryndan  baş çykarýan  ýaşlaryň kemala gelmegi üçin ajaýyp şertler döredilýär. Täzeden-täze innowasion tehnologiýalar bilen üpjün edilýän okuw binalary gurlup ulanmaga berilýär.  Ýaşlara dünýäniň halkara derejeli ýokary okuw mekdeplerinde  bilim almaga mümkinçilikler döredilýär. Şeýle eşretli zamanamyzda öz hünäriň ussady bolup işlemek, ýaşamak hem bagt.

Döwletimiz tarapyndan gurşalýan aladalara zähmet üstünlikleri  bilen jogap bermek biziň geljegimiz bolan ýaşlaryň mukaddes borjudyr.  

Pirmuhammet ÇARYÝEW,

Ylym we bilim işgärleriniň Kärdeşler
arkalaşygynyň Kaka etrap 
Geňeşiniň başlygy.