Hormatly Prezidentimiziň “Ýaşlar – Watanyň daýanjy” atly ilkinji kitabyny elimize alyp, ýüzümize sylan günümizden bäri bu kitap biziň üçin kämil ýol-ýörelge çelgisi, edep-terbiýe mekdebi bolup, ýankitabymyza öwrüldi. Kitabyň her bir jümlesinde Watana, halka hyzmat etmegiň, kämil şahsyýet bolup ýetişmegiň beýik göreldesi eriş-argaç bolup geçýär. Arkadagly Gahryman Serdarymyzyň ilkinji eseri ýaşlar baradaky jaýdar pikir-garaýyşlara gaplanyp, olary bilim öwrenmäge, ýurdumyzyň ösüşlerine goşant goşmaga ruhlandyrýar. 

Dana pederlerimiziň kitaba goýan belent sarpasy häzirki wagtda Berkarar döwletiň täze eýýamynyň Galkynyşy döwürde ýaşlary milli ruhda terbiýelemekde esas bolup hyzmat edýär. Milli mirasymyza hormat goýýan, ata-baba ýol-ýörelgelerine ygrarly, watansöýüji ýaşlar eziz diýarymyzyň buýsanjydyr.

Biz ýaşlara egsilmez ynam bildirýän türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak, tutumly işleri elmydama rowaçlyklara beslensin! Hormatly Prezidentimiziň dury paýhasyndan dörän ilkinji nusaglyk kitabynyň höwri köp bolsun!

Gudrat ALLAMYRADOW,
Türkmenistanyň Döwlet energetika
institutynyň talyby.