Berkarar döwletiň täze eýýamynyň Galkynyşy döwründe ýurdumyzda ýaş nesiller hakynda edilýän aladalar bilim işgärleri üçin döredilýän mümkinçilikler bilen sazlaşykly alnyp barylýar. Ýaş nesilleriň sowatlylygyny, edep-terbiýeliligini, hünär başarnyklylygyny, şahsyýet hökmünde kemala gelşini üpjün etmekde bilim-terbiýeçilik işgärleriniň alyp barýan işleri örän uludyr.

Häzirki wagtda ýaş mugallymlara berilýän bilimiň hili ýokarlandyrylyp, olar bilen hünär ugurlaryna laýyklykda sanly ulgam arkaly yzygiderli sapaklar geçilýär, nazaryýetde alan bilimleri tejribelikler arkaly berkidilýär. Halkara tejribesine, milli pedagogika, mugallymçylyk nazaryýetine laýyklykda bilim alan ýaş mugallymlar döwrebap usulyýetden baş çykaryp, sanly tehnologiýalary işjeň peýdalanmak ukyplaryny kämilleşdirýärler. 

Arkadagly Gahryman parasatly baştutanlygynda amala aşyrylýan beýik işler halkymyzyň ýagty geljegine gönükdirilendir. Arzuwlaryň hasyl bolýan ýurdunda ýaş nesliň aňynda baky orun eýelejek bagtyýar şu günleriň iň oňat arzuw-maksatlara beslenmegi ugrunda ýerine ýetirilýän işler sanardan köpdür. Döwlet syýasatynyň ileri tutulýan ugurlarynyň biri bolan milli bilim ulgamyny kämilleşdirmek babatdaky işler hem ýaş nesliň bagtyýar geljegi ugrunda edilýän aladalaryň naýbaşysydyr. Şeýle döwletli döwrany peşgeş berýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, tutýan tutumly işleri elmydama rowaçlyklara beslensin! 

Merjen BAÝRAMDURDYÝEWA,

Mary welaýatynyň Baýramaly etrabynyň
2-nji orta mekdebiniň mugallymy