Ýaponiýanyň Niigata, Yamagata we Aomori welaýatlarynda güýçli ýagan gar adaty durmuşa ýaramaz täsir etdi. Ýaponiýanyň Tebigy betbagtçylyklary dolandyryş gullugy, sowuk aýazly howada bolan awtoulag heläkçiliklerinde pida bolanlaryň sanynyň häzirki wagtda 17-ä ýetendigini mälim etdi.

Ýurduň häzirki wagtda howa, gara we demir ýollarynda bökdençlikler dowam edýär. Birnäçe sebit elektrik togunyň kesilmegi zerarly kynçylyk çekýär. Amatsyz howa şertleri üpjünçilik zynjyrlarynyň hem yza çekilmegine sebäp boldy.