Ýakynda Türkmenistanyň Kärdeşler arkalaşyklarynyň Tejen etrap birleşmesiniň, etrap bilim bölüminiň, etrabyň sport we ýaşlar syýasaty bölüminiň bilelikde gurnamagynda Tejen etrabynyň Tejen şäher sport mekdebinde Milli bahar baýramy mynasybetli «Sagdyn ýaşlar döwrümiziň aýnasy» ady bilen sportuň woleýbol görnüşi boýunça ýaryş geçirildi.

Ýaryşa etrabyň orta mekdeplerinde bilim alýan 11-nji synp oglanlardan düzülen toparlar gatnaşdylar. Ýetginjeklerden düzülen toparlaryň birnäçesi öz aralarynda güýç synanyşyp ussatlyklaryny görkezdiler.

Gyzykly hem-de çekeleşikli geçen ýaryşda etrabyň sport mekdebiniň topary 1-nji orna, 30-njy orta mekdebiniň topary 2-nji orna, 41-nji orta mekdebiniň topary 3-nji orna mynasyp boldular. 

Ýaryşda ýeňiji bolan toparlara Türkmenistanyň Kärdeşler arkalaşygynyň Tejen etrap birleşmesi hem-de Ylym we bilim işgärleriniň Kärdeşler arkalaşygynyň Tejen etrap Geňeşi tarapyndan ýadygärlik sowgatlary  gowşuryldy. 

Maral AKYÝEWA,

Türkmenistanyň Kärdeşler arkalaşyklarynyň 
Ahal welaýatynyň Tejen etrap
birleşmesiniň esasy hünärmeni.