Berkarar döwletiň täze eýýamynyň Galkynyşy döwrüne «Arkadag Serdarly bagtyýar ýaşlar» ýylynda golaýda Tejen etrabynyň Arassaçylyk we keselleriň ýaýramagyna garşy göreşmek gullugynyň edara binasynda Tejen etrap häkimliginiň hem-de  jemgyýetçilik guramalarynyň  bilelikde gurnamagynda  maşgala agzybirligi, raýatlaryň  saglygyny gorap saklamak hem-de ýaramaz endiklerden daşda durmak barada wagyz-nesihat maslahaty geçirildi. Maslahata etrabyň edara-kärhanalarynda  zähmet çekýän işgärler gatnaşdylar. Maslahata gatnaşanlar öz çykyşlarynda  ilat arasynda durmuşa geçirilýän kadalaşdyryjy hukuknamalar hem-de olary ýerine ýetirmekde, maşgala agzybirligi, raýatlaryň saglygyny gorap saklamak boýunça ýurdumyzda alnyp barylýan işler barada belläp geçdiler.

Maslahata gatnaşanlar çykyşlaryň ahyrynda  Gahryman arkadagymyzyň, Arkadagly Serdarymyzyň tutýan-tutumly işleriniň rowaç almagyny arzuw etdiler. 

Leýli ATAÝEWA,

Türkmenistanyň Kärdeşler arkalaşyklarynyň
Ahal welaýatynyň Tejen etrap
birleşmesiniň işgäri.