2025-nji ýylyň 5-nji maýynda Türkiýäniň Medipol Uniwersitetiniň binasynda Türkmenistanyň Türkiýedäki Baş Konsullygy (Stambul ş.) tarapyndan türkmen talyp ýaşlary bilen bilelikde ýörite sergi-tanyşdyryş çäresi geçirildi. Bu barada Türkmenistanyň Daşary işler ministrliginiň web-saýty habar berdi.

Çäre Türkmenistanyň hemişelik Bitaraplygynyň 30 ýyllygyna hem-de 2025-nji ýylyň Halkara parahatçylyk we ynanyşmak ýyly diýlip yglan edilmegine bagyşlandy.

Dabaranyň çäklerinde türkmen medeniýetine bagyşlanan konsert guraldy. Myhmanlara Türkmenistanyň içeri we daşary syýasatyndaky üstünlikleri, halkara başlangyçlary we parahatçylyga gönükdirilen çäreleri barada giňişleýin maglumatlar berildi.

Şemşat ÇARYÝEWA,

S.A.Nyýazow adyndaky Türkmen oba hojalyk
uniwersitetiniň talyby.