Türkmenistanly telekeçi zenan «Akenmar» PR kompaniýasynyň baş direktory Ramilýa Ramazanowa gazanan ajaýyp üstünlikleri we ýeten sepgitleri üçin «Global Awards» atly ýörite baýrak bilen sylaglandy. Baýrak gowşurylyş dabarasy «Millionaire Concept» biznes platformasy tarapyndan Azerbaýjanyň paýtagty Baku şäherinde guralan «The Globe Gala» atly uly göwrümli çäräniň çäginde geçirildi.

17 — 19-njy mart aralygynda geçirilen «The Globe Gala» dabarasy 20-den gowrak ýurtdan işewür we meşhur adamlary bir ýere jemledi. Uly göwrümli çäräniň ilkinji gününde ýerli we daşary ýurtly telekeçileriň gatnaşmagynda metbugat ýygnagy geçirildi. Ramilýa Ramazanowa şu metbugat ýygnagynda Türkmenistana wekilçilik etdi.

«Millionaire Concept» tarapyndan guralan çäreleriň tapgyrynyň esasy maksadynyň dürli ýurtlardan gelen telekeçileriň arasyndaky gatnaşyklary ösdürmekde jemlenýändigini bellemelidiris.

Şirin MUHAMMETGULYÝEWA,
Döwletmämmet Azady adyndaky
Türkmen milli dünýä dilleri
institutynyň talyby.