Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Jemgyýet /Türkmenistanly talyp ýaşlar üçin Durnukly ösüş maksatlary boýunça okuw sapaklary başlady
  11.04.2024
204
Türkmenistanly talyp ýaşlar üçin Durnukly ösüş maksatlary boýunça okuw sapaklary başlady

Ýurdumyzyň talyp ýaşlaryny 2030-njy ýylyň Durnukly ösüş maksatlarynyň durmuşa geçirilmegine çekmek üçin Türkmenistanyň Daşary işler ministrliginiň Halkara gatnaşyklary instituty Birleşen Milletler Guramasynyň Türkmenistanda Ösüş Maksatnamasy bilen bilelikde «TurkmenYouth4SDGs» at bilen birnäçe okuw sapaklaryna başlady.

 

Ilkinji okuw 2024-nji ýylyň 8-nji aprelinde BMG-niň Aşgabatdaky edara binasynda geçirildi. Okuw «Sagdyn durmuşy üpjün etmek we ähli ýaşdakylaryň hemmesiniň abadançylygyny ýokarlandyrmak» at bilen Bütindünýä saglyk gününe we DÖM 3-e bagyşlandy.

 

Birleşen Milletler Guramasynyň Türkmenistanda Ösüş Maksatnamasynyň hünärmenleri Türkmenistanda we BMGÖM-iň Türkmenistanda saglygy goraýyş boýunça bilelikdäki taslamalarynda durmuşa geçirilýän saglygy goraýyş pudagyndaky taslamalar bilen tanyşdyrdylar. Hususan-da, olar milli saglygy goraýyş ulgamyna ornaşdyrylýan häzirki zaman tehnologiýalary bilen tanyşdyryldy.

 

Ýeri gelende belläp geçsek, Birleşen Milletler Guramasynyň Türkmenistanda Ösüş Maksatnamasy 2010-njy ýyldan bäri, Türkmenistan hökümeti we ösüş hyzmatdaşlary bilen hyzmatdaşlykda ýurdumyzda saglygy goraýyş ulgamyny pugtalandyrmaga gönükdirilen taslamalary durmuşa geçirýär.

 

Näzik DÖWRANOWA,
Döwletmämmet Azady adyndaky
Türkmen milli dünýä dilleri
institutynyň talyby.