Berkarar döwletiň täze eýýamyň Galkynyşy döwründe Gahryman Arkadagymyzyň atalyk kitaplary ýaş türkmenistanlylaryň gözýetimini giňeltmek bilen, ekologiýa düşünjelerini artyrmakda esasy ylmy çelgi bolup durýar. “Türkmenistanyň dermanlyk ösümlikleri”, “Türkmenistan – melhemler mekany” atly kitaplaryndaky tebigy serişdeler baradaky maglumatlar eziz Diýarymyzyň her daban ýeriniň nähili gymmatly baýlyklar bilen örtülendigini aýdyň subut edýär.

Tebigata bolan çäksiz söýgi türkmen halkynyň owal-ahyr zandyna berk ornaşan. Irki döwürlerden bäri gözel ülkämiziň owadan tebigatyna aýawly çemeleşmek, ony gözüň göreji deýin goramak ýörelgeleri asyrlarboýy nesilden nesile geçip gelýär. Ýüze çykaýan dürli ekologiýa meselelerine halkymyz düýpli çemeleşmek bilen, olary oňyn çözmegiň özboluşly tärlerini-de kemala getiripdirler. Bu ynsanperwer ýörelgeler Arkadagly Gahryman Serdarymyzyň tagallalary netijesinde häzirki döwürde has-da giň gerimde alnyp barylýar.

Ýurdumyzda tebigaty goramak, ekologik meseleleri çözmek babatynda birnäçe maksatnamalar yzygiderli durmuşa geçirilýär. Bu bolsa dünýä jemgyýetçiliginiň daşky gurşawy goramaga gönükdirilen tagallalaryna Türkmenistanyň öz mynasyp goşandyny goşýandygynyň aýdyň güwäsi bolup çykyş edýär.

Ikram ATAJANOW,
Türkmenistanyň Döwlet energetika
institutynyň talyby.